वेस्टर्न झोन सीएलआयए महाराष्ट्र , गोवा, गुजरात या तिन राज्यासाठी अध्यक्षपदी अनिल मुंडे यांची निवड

गेवराई प्रतिनिधी :- गेवराई येथील सीएलआयए अनिल मुंडे यांची मुंबई येथे झालेल्या झोन एक्झिक्युटिव्ह कमिटी या बैठकीत वेस्टर्न झोन सीएलआयए महाराष्ट्र , गोवा, गुजरात या तिन राज्यासाठी अध्यक्षपदी निवड करण्यात आली असून त्यांच्या निवडीबद्दल सर्व स्तरातून अभिनंदन करण्यात येत आहे.
गेवराई शहरातील नाईक नगर येथील रहिवाशी असलेले भारतीय आयुर्विमा महामंडळात ( एलआयसी) मध्ये गेल्या २१ वर्षांपासून उल्लेखनीय कार्य करत आहेत. त्यांच्या कार्याची दखल घेऊन रविवारी रोजी मुंबई येथील वेस्टर्न झोन एक्झिक्युटिव्ह कमिटी या बैठकीमध्ये वेस्टर्न झोन (सीएलआयए) महाराष्ट्र , गोवा, गुजरात या तिन राज्यासाठी अध्यक्षपदी सर्वानुमते निवड करण्यात आली असून त्यांच्या निवडीबद्दल सर्व स्तरातून अभिनंदन करण्यात येत आहे. यावेळी ऑल इंडिया लियाफी जनरल सेक्रेटरी श्रीनिवास चारी, तेरकर काका, कमलेश सांधीया व हजरीमल पुरोहित सह सुरेंद्र अकनगिरे विभागीय अध्यक्ष लियाफी संघटना छत्रपती संभाजीनगर, रमेश होळंबे विभागिय सिएलआयए अध्यक्ष लियाफी संघटना छत्रपती संभाजीनगर, बळीराम बीराजदार सेक्रेटरी वेस्टर्न झोन सह आदि उपस्थित होते.