आष्टी पाटोदा शिरूर तालुक्यातील पत्रकार बांधवांनी बीड येथील मेळाव्यास उपस्थित राहावे – अविनाश कदम

आष्टी। प्रतिनिधी
मराठी पत्रकार परिषद बीड जिल्हा शाखा आणि परळी शाखेच्या वतीने रविवार दि ४ जून रोजी एम. आय.डी.सी.बीड येथील वैष्णवी मंगल कार्यालयात मराठवाड्यातील पत्रकारांचा मेळावा आयोजित करण्यात आला आहे. या मेळाव्यास आष्टी, पाटोदा, शिरूर तालुक्यासह जिल्ह्यातील मराठी पत्रकार परिषदेचे पदाधिकारी व पत्रकार बांधवांनी मोठ्या संख्येने उपस्थित राहावे असे आवाहन मराठी पत्रकार परिषदेचे बीड जिल्हा उपाध्यक्ष तथा आष्टी तालुका युवा पत्रकार संघाचे अध्यक्ष अविनाश कदम यांनी केले आहे.
मराठी पत्रकार परिषद बीड जिल्हा शाखा आणि परळी शाखेच्या वतीने ४ जून रोजी एम.आय.डी.सी.बीड येथील वैष्णवी मंगल कार्यालयात मराठवाड्यातील पत्रकारांचा मेळावा आयोजित करण्यात आला आहे. माजी मंत्री जयदत्त क्षीरसागर,सामाजिक कार्यकर्ते तथा निर्भय बनो आंदोलनाचे नेते डॉ.विश्वंभर चौधरी,असिम सरोदे आणि मराठी पत्रकार परिषदेचे मुख्य विश्वस्त एस.एम.देशमुख आदी मान्यवर उद्घाटन सत्राचे प्रमुख पाहुणे असणार आहेत. सकाळी ९.३० वाजता मेळाव्याचे उद्घाटन करण्यात येईल.यावेळी माणिकराव देशमुख सामाजिक विकास प्रतिष्ठानच्या वतीने दिल्या जाणाऱ्या विविध पुरस्कारांचे वितरण करण्यात येणार आहे.यामध्ये पत्रकार भूषण पुरस्कार लोकप्रश्नचे संपादक दिलीप खिस्ती, कृषी भूषण पुरस्कार कल्याण कुलकर्णी यांना तर समाज भूषण पुरस्कार मनिषाताई तोकले यांना जाहीर झाला आहे. मान्यवरांच्या हस्ते हे पुरस्कार वितरण करण्यात येतील. यावेळी विश्वंभर चौधरी आणि असिम सरोदे यांचे “निर्भय बनो आंदोलनातील पत्रकारांची भूमिका” या विषयावर व्याख्यानही होणार आहे.परिषदेच्या जिल्हा शाखेच्या पदाधिकारी यांचा यावेळी सत्कार करण्यात येईल.दुपारच्या सत्रात असिम सरोदे पत्रकार आणि कायदा या विषयावर मार्गदर्शन करतील. दुपारी ३ ते ४.३० या वेळेत समारोप होईल.आमदार संदीप क्षीरसागर हे प्रमुख पाहुणे म्हणून उपस्थित राहणार आहेत. तसेच बीडच्या जिल्हाधिकारी श्रीमती दीपा मुधोळ/ मुंडे, जिल्हा परिषदेचे मुख्याधिकारी अजित पवार, जिल्हा पोलीस अधीक्षक नंदकुमार ठाकूर, जिल्हा शल्य चिकित्सक डॉ.सुरेश साबळे आदी उपस्थित राहणार आहेत.हा कार्यक्रम यशस्वी करण्यासाठी बीड जिल्हा अध्यक्ष विशाल साळुंके, कार्याध्यक्ष सतीश बियाणी,जिल्हा सरचिटणीस प्रा.राजेंद्र बरकसे, उपाध्यक्ष रवी उबाळे,डिजिटल मिडिया परिषदेचे बीड जिल्हा अध्यक्ष जितेंद्र सिरसाठ,कार्याध्यक्ष दिनकर शिंदे,उपाध्यक्ष संग्राम धन्वे,उपाध्यक्ष प्रतिक कांबळे, उपाध्यक्ष विश्वंभर मुळे, परिषदेचे जिल्हा कोषाध्यक्ष छगन मुळे,जिल्हा प्रसिद्धी प्रमुख संजय हंगे सह आदी परिश्रम घेत आहेत.तरी मराठी पत्रकार परिषदेचे आष्टी, पाटोदा, शिरूर येथील पदाधिकारी व पत्रकार सदस्य बांधवांनी
उपस्थित राहावे.असे आवाहनही मराठी पत्रकार परिषदेचे बीड जिल्हा उपाध्यक्ष तथा आष्टी तालुका युवा पत्रकार संघाचे अध्यक्ष अविनाश कदम,
उपाध्यक्ष निसार शेख, जावेद पठाण, पत्रकार आण्णासाहेब साबळे,ॲड किशोर निकाळजे, संतोष नागरगोजे,अक्षय विधाते,अतुल जवणे, संतोष तांगडे,गहिनीनाथ पाचबैल,दादासाहेब पवळ, समीर शेख,प्रेम पवळ, शहानवाज पठाण,अफसर पठाण, तुकाराम भवर,अमोल जगताप,अजिम ताश्कंद,विपुल सदाफुले, फोटो ग्राफर रंगनाथ काकडे यांनी केले आहे.