नवी दिल्ली :
काँग्रेस नेते राहुल गांधी यांची खासदारकी रद्द करण्यात आली आहे. लोकसभा सचिवालयाने याबाबतचे आदेश जारी केले आहेत. काँग्रेस नेते राहुल गांधी केरळमधील वायनाड मतदारसंघातून लोकसभेवर निवडून आले आहेत. सुरत न्यायालयाने त्यांना काल (23 मार्च) दोन वर्षांची शिक्षा सुनावल्याने राहुल गांधी यांची खासदारकी रद्द करण्यात आली आहे. सर्वोच्च न्यायालयाच्या 10 जुलै 2013 च्या निकालानुसार हा निर्णय घेण्यात आला आहे.
देशातील कोणत्याही सक्षम न्यायालयाने कुणाही लोकप्रतिनिधीला किमान दोन किंवा त्यापेक्षा जास्त वर्षांची शिक्षा सुनावल्यावर त्याचं संसद सदस्यत्व त्याचक्षणी रद्द होईल असा निर्देश सर्वोच्च न्यायालयाने दिले होते. त्याचाच आधार घेऊन लोकसभा अध्यक्ष ओम बिर्ला यांनी राहुल गांधी यांची खासदारकी रद्द केली आहे.
प्रकाश आधार साप्ताहिक मराठी वृत्तपत्र गेवराई तालुकातील सर्वात जलद बातम्या नोंदवणारे हे गेवराई, बीड, महाराष्ट्रातील सर्वात लोकप्रिय मराठी दैनिक वृत्तपत्र आहे.
वेबसाइटवर जाहिरातीसाठी संपर्क:
सुनील पोपले संपादक प्रकाश आधार +91 94058 17999
वेबसाइटवर जाहिरातीसाठी संपर्क:
सुनील पोपले संपादक प्रकाश आधार +91 94058 17999